Takimi final i seminareve për shëndetin
10 Maj 2015, Toronto
Gëzuar Ditën e Nënës, përsëri!
Një ditë e veçantë sot në ambjentet e Shoqatës Shqiptaro-Kanadeze… Bashkatdhetarë të moshave mbi 65 vjeç , pjesëmarrës të 5 seminareve falas për shëndetin që u organizuan nga Shoqata nën kujdesin e kordinatores së Projektit Dr Ruki Kondaj dhe ndihmës vullnetare të disa prej anëtarëve të Shoqatës, pas seminarit të fundit që përkoi me festimet e 7-8 Marsit, u mblodhën së bashku përsëri sot për të finalizuar këtë projekt. Pak muzikë shqip në sfond, një kafé e freskët, pak ëmbëlsirë, e mbi të gjitha shumë dashuri e mirësi që moshat e treta rrezatojnë, kaloi një ditë e bukur sot, veçanërisht për nënat.
Gëzuar festën nëna kudo që jeni!