Më 3 Nëntor, Parlamenti i Ontarios foli shqip!
Më datë 3 nëntor, 2016, në Parlamentin e Ontarios, nën drejtimin e Dr.Ruki Kondaj, kryetare e grupit të Trashëgimisë dhe Presidente Nderi e SHBSHK, lobuese e ligjit pranë parlamentit, dhe në bashkëpunim të ngushtë me bordin e SHBSHK drejtuar nga Presidenti Ramazan Këllezi, anëtar i hershëm i këtij grupi, u festua për të katërten herë radhazi shpallja e muajit Nëntor si muaji i Trashëgimisë Shqiptare në Ontario.
Pjesëmarrja e grupit arbëresh ardhur enkas nga Kalabria përfaqësuar nga Znj.Lucia Martino, Presidente e Shoqatës Vorea dhe studentja Maria Ferrari i sollën kësaj dite shumë emocione dhe një bukuri të veçantë.
Moren pjesë shumë personalitete duke filluar nga ambasadori shqiptar në Otavë, Z.Ermal Muça, përfaqësues nga qeveria dhe parlamenti i Ontarios, si autorja origjinale e ligjit, Ministre Laura Albanese, Ministri Reza Moridi, Ministre Dipika Damerla, MPP Yvan Baker, MPP Shafic Qaadri, MPP Christina Martins, të gjithë folën edhe në shqip duke shprehur konsideratën e lartë për punën e shqiptarëve në Ontario dhe në veçanti për punën e SHBSHK për ligjin, posaçërisht për kryesuesen e grupit Dr.Kondaj, kryetarin Këllezi dhe bordin e SHBSHK.
Kënaqësi e madhe ishte pjesemarrja e të nderuarve arbëreshe të Frasnites së Kalabrisë, si edhe arbëreshët e Torontos me ish sekretarin Salvatore Greco, shqiptarët e hershëm në Kanada si Agim Yashar, Eileen Spencer, vëllezerit Fatos e Fisnik Prishtina, Vicki Otolje etj, një gërshetim I bukur me arbëreshët, shqiptarët e hershëm dhe atyre të rinj të mirëintegruar në Kanada.
Na nderuan me pjesëmarrjen e tyre shoqatat si motra duke filluar nga Bashkësia e Montrealit, Kryetari Rikard Shpori,shoqata kulturore në Montreal me kryetare Anila Kati, Shoqata Illyria London me kryetar Besnik Rexhvelaj dhe dr.Lulzim Rafshin, nga Forumi I gruas në Kichener me znj. Nexhmije Racaj, Shoqata e shqiptarëve në Hamiltonit me kryetar Refki Sertolli dhe zv/kryetar Shani Pnishin, Albanian Excellence me kryetar Ilir Azzi dhe zv/kryetar Denisa Balla, Shoqata Afat me përfaqësues Jeton Mehmeti e Jetmir Amitovski, përfaqësues të bordit të shoqatës, të këshillit të nderit, ish kryetare, antare Nderi, personalitete shqiptare e të huaja studentë, pensionistë, vullnetare e biznesmenë.
Programi u moderua nga ylli i kinematografisë zj.Ana Golja ku pas interpretimit të hymneve nga Ana Golja dhe Marie Ferrari, përshëndeten Presidenti i SHBSHK z.Ramazan Këllezi, Ministre Laura Albanese, Ambasadori Ermal Muca, Dr.Ruki Kondaj, Znj.Lucia Martino, Minister Reza Moridi, Ministre Dipika Damerla, MPP Yvan Baker, MPP Shafic Qaadri, MPP Christina Martins etj.
Në ceremoni u nderuan me titull nderi Arberëshët si Salvatore Greco dhe Lucia Martino si dhe MPP Yvan Baker, po ashtu me çertifikatë pjesëmarrje për performancën e saj në këtë aktivitet u nderua sudentja Maria Ferrari.
Më 3 nëntor u fol shqip jo vetëm nga shqiptarët por edhe nga ministrat e parlamentarë ,surpriza më e madhe ishte mesazhi i kryeministres Kathleen Wynne, drejtuar komunitetit për festimin e muajit të trashëgimise.
Aktiviteti kaloi në një atmosferë të ngrohtë e plot emocione, me surpriza shumë të bukura, ku arbëreshët i dhuruan Ministres Laura Albanese një statujë të vogël me kostum popullor që kishte një domethenje të madhe për origjinën e saj. Po ashtu Andrea Mile i cili ka prodhuar çiftelinë e parë në Kanada ja dhuroi Shoqatës këtë çifteli për nder të muajit të trashëgimisë.
Një mesazh me shumë kuptim e dha dhe Z.Qazim Kallushi ku për herë të parë për nder të muajit të trashëgimisë do të përfshijë në program të koncertit me orkestrën e Torontos pjesë nga kompozitori i madh shqiptar Ferdinand Deda.
Pjesa e dytë u shoqërua nga një program i shkurtër por i pasur kulturor. Ana Golja e veshur me kostumin arbëresh mbi 200 vjeçar prezantoi program me këngë arbëreshe nga studentja arbëreshe Maria “Moj e bukura More” dhe” Kur na arbëresh”, në ekran u shfaq një pjesë teatrale po nga arbëreshët, “Kush e solli Doruntinën”, pasuar nga një sfilatë me kostume popullore të gjithë krahinave e trevave shqiptare të drejtuara nga koreografi i mirënjohur Ramazan Këllezi si dhe vallja “Kuq e Zi “ ku të gjithë sëbashku vallëzuan nën tingujt e kengës Xhamadani vija vija.
Një festë e vërtetë popullore që dha një larmishmëri ngjyrash, kostumesh dhe kengësh, gezim e emocione të jashtëzakonshme.
Në fund të programit u dha një koktej me ushqime të traditës shqiptare dhe pije freskuese të ofruar nga SHBSHK në bashkëpunim me bizneset shqiptare, Albacatering me Rudina Lugën, Old Mill Bakery&Deli me Nazim Qafleshin, si dhe u nda torta e qëndisur me kostume arbëreshe përgatitur nga duarartët Adi e Bruna Brari nga European Pattiserie. Një ditë e veçantë me një përfaqësimi shumë dinjitoz pothuaj nga e gjtihë Kanadaja.
Kamera e Pasqyrës Shqiptare, si gjithnjë prezente në çdo aktivitet të shoqatës me producentin Ilir Lena, i cili është edhe anëtar aktiv i grupit të punës së trashëgimisë pranë SHBKSH. Një kolazh me foto të mrekullueshme u përgatitën nga fotografi i talentuar Genti Hali nga Lgh Art Photography.